FELICES FESTAS

Desde a escola de Neaño queremos desexarvos a todos e todas un moi Bo Nadal. Que se cumpran os vosos desexos!

FELICIDADES PEDRO!

E seguimos de aniversarios! Esta vez co de Pedro, que cumpriu, o 27 de novembro, 3 anos. MOITOS PARABÉNS! E celebrámolo na escola cunha rica merenda á que nos convidou: zumes, biscoito e galletas! ummm! Gracias por todo! 

FELICIDADES ROI!

O pasado 15 de novembro, o noso compañeiro Roi cumpriu 5 anos! Qué maior! E trouxo unha merenda deliciosa: biscoito e galletas, que fixeron na súa casa, e zumes. Ummmm! Ata invitamos aos nosos compañeiros/as de 4 anos. Qué ben o pasamos! Moitas grazas a Roi e a súa familia e... MOITAS FELICIDADES!

MAGOSTO EN DOMBATE

E así de guapos e guapas fomos á Romería de Inverno no verán de San Martiño, en Dombate, onde, ademais de probar as castañas asadas, fomos de paseo no tren turístico, visitamos o Dolmen, escoitamos a Anxo Moure contar un conto e... bailamos ata cansar con Ce Orquestra Pantasma. Acabamos rendidos...

A MOCHILA VIAXEIRA COMEZA A SÚA ANDAINA

VAIA SORPRESA! O Rato Paco enviounos unha carta para contarnos que xa nos deixa a mochila viaxeira con contos para ir por todas as casas pero... este ano dentro da mochila tamén vai a toupa Rosalía! que vai convivir con nós dúas semanas (en cada casa). E aquí quedan as primeiras fotografías: Roi e Pedro levaron a mochila á casa e xa veu de volta... e vaia ilusión nos fixo ver o que nos contaban no libro da mochila viaxeira!

A CASA DO QUEIXO

O 3 de novembro subimos en autobús para facer unha longa viaxe ata a Casa do Queixo, en Sobrado dos Monxes. Unha vez alí, gozamos de varios talleres acompañados dunhas agradables monitoras que nos foron explicando como era a vida diaria na súa granxa e tamén como se fai o queixo, como se consegue a lá e como se traballa con barro. Un día moi productivo!

TUMBA POR ALÍ, TUMBA POR ALÁ...

E por fin celebramos o Samaín: pintamos a cara, abrimos unha cabaza, tallámola e puxémoslle unha candea, comemos unha merenda terrorífica... e... cantamos e bailamos!

COMEZA O SAMAÍN

Esta semana... Samaín! E comezamos decorando a aula, coa axuda de Vanesa, que traballou moito con nós. Moitas grazas! Seguiremos valeirando unha cabaza, facendo máscaras...

CANTAMOS CON SUSA HERRERA

E que ben o pasamos... sobre todo aqueles/as aos que nos gusta cantar e bailar! 
Antes de saír merendamos unhas galletas e de seguido... viaxe en autobús! qué ilusión! Lástima que fora tan corta a viaxe... Pero pronto faremos unha máis longa.

COMEZARON OS RECREOS DENTRO...

Pois parece ser que despois de disfrutar dun comezo de outono soleado... xa chega a choiva para quedar con nós uns días, polo que toca xogar dentro da aula. Pero... aínda así, pasámolo en grande!

FELICIDADES PABLO!

Recentemente celebramos o cumple de Pablo, que naceu un 10 de outubro. Agasallounos con unha merenda deliciosa: un biscoito que fixeron él e a súa nai (que estaba riquísimo, pensamos non poder parar de comer!) e uns zumes. Moitas grazas por todo Pablo! E a disfrutar dos 5 anos! Moitas FELICIDADES!